fbpx

Објектив

Погледни подобро

Голема чест за Стефан Ристовски: Македонецот именуван за капитен на Спортинг Лисабон

Бруно Фернандеш на социјалните мрежи му честиташе на Стефан Ристовски за капитенската лента на Спортинг Лисабон.

Пријателскиот меч меѓу Спортинг Лисабон и Белененсеш, Стефан Ристовски го почна со капитенската лента. Прв капитен е Себастијан Коатес, но тој не беше во тимот. Тоа значи дека Македонецот ќе биде еден од капитените во новата сезона.

Бруно Фернандеш и Стефан Ристовски беа големи пријатели во Спортинг, па новата ѕвезда на Манчестер јунајтед преку инстаграм стори му честиташе на нашиот фудбалер за капитенската лента.

„Знам колку си горд и воодушевен што си капитен на клубот кој го сакаш толку многу. Никогаш не сум видел странец толку да го почитува и толку да е посветен на нашата земја и клубот кој го претставува! Ти го заслужуваш ова и заслужуваш уште повеќе“, вели Бруно Фернандеш за Стефан Ристовски.

Претходно Ристовски со пост на својот инстаграм профил напиша: „Благодарен сум за капитенската лента!!! Чест е. Доаѓам од многу мала земја… многу млади луѓе, деца, сонуваат да играат на клуб од ова ниво… за мене ова беше голем ден и голема гордост е да се носи капитенската лента и да се претставува Спортинг Лисабон од Португалија“.

error

Ви се допадна објавата? Споделете на:


Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-includes/functions.php on line 5279

Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-content/plugins/really-simple-ssl/class-mixed-content-fixer.php on line 107