Ракометарите на „Вардар“ го почнуваат походот во СЕХА-лигата на гостувањето во Задар
Ракометарите на „Вардар“, актуелиот македонски, регионален и се’ уште европски првак, вечер во арената „Крешимир Ќосиќ“ во Задар, Хрватска, стартуваат со одбраната на титулата во СЕХА-лигата на завршниот Ф-4 турнир на ова натпреварување. „Вардар“ е единствен учесник на сите девет, вклучувајќи го и овој, Ф-4 турнири, а титулата ја освои петпати. Многуте измени во тимот и лошата форма на последните натпревари не даваат многу надеж за одбрана на титулата, но…
Скопјани вечер од 20.30 ќе играат со хрватскиот шампион „Загреб“, а во првото полуфинале од 18 часот ќе се сретнат „Веспрем“ и „Мешков Брест“. В недела од 18 е натпреварот за трето, а од 20.30 и финалниот меч на завршниот турнир на СЕХА-лигата.
Најверојатно во задарската арена, која собира речиси 7.000 гледачи, ќе биде дозволено ограничено присуство на публика. Се споменува бројка од околу 1.000 гледачи по натпревар.
