fbpx

Објектив

Погледни подобро

МАН НАЈАВУВА ОТПУШТАЊЕ НА 9.500 ЛУЃЕ

Германскиот производител на камиони и автобуси МАН во петокот објави дека ќе укине до 9.500 работни места во матичната земја и во Австрија со цел да ги намали трошоците и да ја надмине кризата поради коронавирусот.

Отпуштањата треба да ги зголемат приходите на МАН за 1,8 милијарди евра до 2023 година, се вели во изјавата на МАН, член на групацијата Тратон на Фолксваген.

Планот за намалување на трошоците вклучува и реорганизација на мрежата за развој и производство на МАН.

Фабриките во австрискиот град Штајп, како и во Плауен и Витлих во Германија, може да бидат целосно затворени, се вели во соопштението.

Најавата за отпуштање не изненади никого, бидејќи бизнисот на МАН беше оценет како прескап дури и пред кризата со коронавирусот.

Запирањето на производството, нарушувања во глобалните синџири на снабдување и пад на побарувачката за време на пандемијата се очекува да ја чини глобалната автомобилска индустрија милијарди долари оваа година.

Дури и пред пандемијата, МАН предвиде пад на испораките од 10 до 20 проценти оваа година.

error

Ви се допадна објавата? Споделете на:


Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-includes/functions.php on line 5279

Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-content/plugins/really-simple-ssl/class-mixed-content-fixer.php on line 107