fbpx

Објектив

Погледни подобро

Заев: Нови 70 милиони евра поддршка за исплата на плати за последниот квартал од годината

Обезбедуваме повеќе пари за поддршка на вработените и за стабилност на работните места. Поддршката за исплата на плати продолжува да важи и за последниот квартал од годината (за октомври, ноември и декември), напиша денеска премиерот Зоран Заев на Фејсбук.

– Новост во мерката е што поддршката ќе биде одредена скалесто, согласно падот на приходите кај компаниите и таа ќе се движи од досегашните 14.500 до 21.776 денари. Со новата методологија за државна помош за исплата на платите ќе бидат поддржани 83.000 работни места на нашите сограѓани, на месечно ниво, односно вкупно 250.000 плати за последниот квартал, наведува Заев.

Тој посочува дека вредноста на оваа мерка изнесува 70 милиони евра и за да се оствари правото на неа, компаниите што ќе аплицираат ќе мора да го задржат бројот на вработени заклучно со 31 јули 2020 година.

– Оваа мерка важи и за самостојните вршители на дејности, односно трговците поединци, лицата што вршат земјоделска дејност, занаетчиска дејност и лица што вршат други услуги, додава премиерот Заев во објавата на Фејсбук.

error

Ви се допадна објавата? Споделете на:


Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-includes/functions.php on line 5279

Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-content/plugins/really-simple-ssl/class-mixed-content-fixer.php on line 107