Талат Џафери денес ќе сведочи за случувањата на 27 април во Собранието
На денешното судење за собраниските настани од 27 април ќе сведочи Собранискиот спикер Талат Џафери.
Тој е повикан да сведочи по барање на обвинетиот Трајко Вељановски кој за време на собраниските настани од 27 април ја извршуваше функцијата претседавач со конститутивната седница по изборите во 2016та година.
Освен Џафери, денеска повикани да сведочат се уште Антонио Милошоски, Владимир Ѓорчев, Љиљана Затурска.
За насилствата од собранието како наводни организатори обвинети се Трајко Вељановски, Миле Јанакиески, Спиро Ристовски и Владимир Атанасовски. Одговараат за терористичко загрозување на уставниот поредок и безбедноста.
