ФИЛИПЧЕ: 364 новозаразени со коронавирус!

Денес е регистрирана нова рекордна бројка на заразени со коронавирус во земјава.

„Вчера имавме рекорден број, неколку дена се движи по околу 200, вчера 317, а денес имаме 364 новозаразени“, изјави министерот за здравство Филипче на денешната прес конференција.

На Инфективната клиника се хоспитализирани 86 лица, а во ГОБ „8 Септември“ се хоспитализирани 44 лица, од кои 4 се на респиратор.

„Есента дојде, состојбата е сериозна. Европа и светот постепено воведуват строги рестриктивни мерки. Како ќе се движиме ние зависи од однесувањето на граѓаните и почитување на мерките и препораките“, изјави Филипче и во повеќе наврати порача дека треба да внимаваме да не ги загрозиме болничките капацитети.