ВЛАДАТА ЌЕ РАСПИШЕ ТЕНДЕР ТЕЖОК 22 МИЛИОНИ ЕВРА
Конечно ќе се распише тендер за инвестиција од 22 милиони евра во Липково, со што би требало да се реши долгогодишниот проблем со водата за пиење и наводнување во општина Ликово.
Оваа вест ја јави Министерството за земјоделство, дека на нивни предлог Владата на денешната седница ја донела информацијата за одобрување на тендерска постапка.
„По предлог на Министерството за земјоделство, шумарство и водостопанство, на денешната седница, Владата ја донесе информацијата за одобрување на тендерската постапка од пред неколку години за изградба на брана на река Слупчанска“, се вели во соопштението.
Од Земјоделство додаваат дека инвестицијата ќе треба да се реализира во рок од четири години, со вкупна вредност од околу 22 милиони евра.
„Ова е најголемата капитална инвестиција што ќе се случи во Општина Липково“, нагласуваат од Министерството во соопштението.
Портенцираат дека со ова се очекува да биде целосно решен проблемот со вода за пиење и наводнување на земјоделските површини.
