fbpx

Објектив

Погледни подобро

ЌE СНОСАТ ЛИ ОДГОВОРНОСТ ГАЗДИТЕ КОИ ЗЕМАА СУБВЕНЦИИ, А НЕ ДАДОА ПЛАТИ?!

Се уште нема одлука дали ќе има кривична одговорност за газдите на фирмите кои пролетва земаа државна помош, а не им исплатија плати на вработените. Од Обвинителството постапуваат по пријавите доставени од Владата. Од УЈП велат дека дел од фирмите добиле опомена, а дел решенија за присилна наплата

Според обработените податоци на Управата за јавни приходи до денеска, вкупно 187 работодавачи кои примиле финансиска поддршка за исплата на плати за април, мај и јуни 2020 година, всушност не исплатиле плати за некој од тие месеци, односно некои не исплатиле плата само за еден, некои за два, а некои за сите 3 месеци.

Во рамките на законски утврдените надлежности, од Управата за јавни приходи прво извршиле опоменување на тие фирми, а потоа до носителите на платен промет доставиле и решенија за присилна наплата на неплатен долг по месечните пресметки за интегрирана наплата.

Работодавачите кои примиле финансиска поддршка за исплата на плати, а се уште имаат неисплатени плати за некој од месеците април, мај и јуни, најмногу се од секторот трговија на мало, освен трговија со моторни возила и мотицикли (35 работодавачи), потоа следува секторот дејности за подготовка на оброци и служење на храна (27 работодавачи) и секторите копнен и цевоводен транспорт и специјализирани градежни дејности (по 8 работодавачи).

Обвинителството за организиран криминал и корупција постапува по кривичните пријави за фирмите кои пролетва добија државна помош, а притоа не им исплатија плати на своите вработени. Кривичните пријави ги најави Владата, а потоа до Обвинителството ги поднесе Генералниот секретаријат на РСМ.

„Предметот за кој покажувате интерес е во предистражна постапка. Надлежниот обвинител од Основното јавно обвинителство за гонење на организиран криминал и корупција ги презема сите неопходни мерки за расветлување на случајот. Во интерес на постапката во моментов обвинителството не може да сподели детали“, велат од Обвинителството за организиран криминал.
На листата на фирми кои не исплатиле плати првично беа 570 компании кои јавно беа објавени, а но откако Владата им остави на располагање дополнителен рок за да се раздолжат кон своите вработени, поголемиот дел од нив ја искористија таа прилика. Сепак дел од фирмите на тој список кој беше и јавно објавен, не ги исплатиле платите на вработените и покрај тоа што беа пратени опомени и беше продолжен рокот за да го направат тоа. Најголем дел од фирмите неплаќачи се од Тетово, Струга, Гостивар, Кичево, Куманово, Прилеп и скопските општини Центар, Чаир, Гази Баба, Карпош, Кисела вода, Бутел.
error

Ви се допадна објавата? Споделете на:


Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-includes/functions.php on line 5279

Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-content/plugins/really-simple-ssl/class-mixed-content-fixer.php on line 107