fbpx

Објектив

Погледни подобро

ЦАРИНСКАТА УПРАВА СО КРИВИЧНА ПРИЈАВА ЗА ИЗБЕГНУВАЊЕ НА ПЛАЌАЊЕ АКЦИЗА ВРЕДНА МИЛИОН ЕВРА

Царинската управа на Република Северна Македонија во текот на вчерашниот ден пред Основното јавно обвинителство во Велес поднесе кривична пријава против правно лице со седиште во Велес и против одговорното лице во правното лице со иницијали Б.А., поради основано сомневање дека е сторено кривично дело „Избегнување на плаќање на акциза“, што е казниво по член 279-б став 3 и став 5 во врска со став 1 од Кривичниот законик.

Станува збор за увезен тутун пуштен во промет во акцизното подрачје без притоа да се плати акцизаво вкупен износ од 64.613.703,00 денари (повеќе од еден милион евра).

Имено, се работи за два увози на тутун во лист од типот „Вирџинија“ реализирани од страна на правното лице од Велес во месец октомври 2019 година, по што увезениот тутун наместо да се доработи е пуштен во промет на незаконски начин без да се плати акциза.

Во координација со Основното јавно обвинителство од Велес, инспекторите од Одделението за истраги при Царинската управа извршија претреси на повеќе локации во Скопје и Велес заради обезбедување на докази во врска со случајот.

Токму поради огромните штети од нелегалната продажба на необележаните тутунски производи во државата, Царинската управа на Република Северна Македонија во координација со Министерството за внатрешни работи и други надлежни државни институции спроведува постојани акции за сузбивање нелегална продажба на тутун и тутунски производи, што секако ќе продолжи и во иднина.

error

Ви се допадна објавата? Споделете на:


Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-includes/functions.php on line 5279

Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-content/plugins/really-simple-ssl/class-mixed-content-fixer.php on line 107