fbpx

Објектив

Погледни подобро

ГЕРМАНСКИОТ МИНИСТЕР ХАЈКО МАС: ЌЕ БИДЕ ТЕШКО СО ПРОШИРУВАЊЕТО, ЕУ МОРА ДА ГИ ШТИТИ ИНТЕРЕСИТЕ И НА БУГАРИЈА

Процесот на проширување на Европската унија ќе оди многу тешко ако Северна Македонија и Бугарија не го решат билатералниот проблем. Ова го изјави германскиот министер за надворешни работи Хајко Мас, одговарајќи на новинарско прашање на заедничката прес-конференција со македонскиот колега Бујар Османи и бугарската колешка Екатерина Захариева за Берлинскиот процес.

ЌЕ БИДЕ ТЕШКО СО ПРОШИРУВАЊЕТО, ЕУ МОРА ДА ГИ ШТИТИ ИНТЕРЕСИТЕ И НА БУГАРИЈА, КАЖА ГЕРМАНСКИОТ МИНИСТЕР ХАЈКО МАС

„Ако еден од кандидатите има нерешени прашања, политички или проценка на историските настани во регионот, таа земја ќе мора да разговара со земјата членка со која што има проблем и да најде решение. Формирањето на комисијата со историчари беше со задача да го реши тоа и се надевам дека ќе најде решение. Но, додека постои проблемот ќе биде многу тешко да се организира процесот за проширување и одржувањето на меѓувладината конференција“, кажа Мас, чија земја е претседавач со Европскиот совет до крајот на годината.

Тој додаде дека ЕУ не може да се меша во билатерални проблеми на земјите членки и за да се одржи меѓувладината конференција, потребно е сите 27 земји членки да се согласат, вклучувајќи ја и Бугарија.

„ЕУ не може да се меша во билатерални проблеми. ЕУ има 27 членки и Бугарија е една од нив и затоа интересите на Бугарија мора да бидат почитувани, тоа за жал е случај. Овие прашања мора да ги решат двете земји, тоа е предуслов да се одржи меѓувладината конференција“, вели Мас.

error

Ви се допадна објавата? Споделете на:


Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-includes/functions.php on line 5279

Notice: ob_end_flush(): failed to send buffer of zlib output compression (0) in /home/grommk/public_html/objektiv.com.mk/wp-content/plugins/really-simple-ssl/class-mixed-content-fixer.php on line 107