Србија донесе закон за задолжително вакцинирање!
Собранието на Србија ги усвои измените и дополнувањата на Законот за заштита од заразни болести, кои, меѓу другото, овозможуваат задолжително вакцинирање и казнување на оние кои не носат маски каде што е пропишано.
Законот ќе стапи на сила кога ќе биде објавен во „Службен весник“, а според одлуката на пратениците, законот може да стапи на сила во пократок рок од 8 дена од објавувањето доколку е потребно.
Измените и дополнувањата на законот предвидуваат, меѓу другото, дека поради епидемијата, може да се утврди препорачана или задолжителна итна вакцинација против заразна болест за сите или за одредени категории на население.
Измените и дополнувањата на овој закон беа принудени од проблеми во санкционирањето на оние кои ги кршат анти-епидемиските мерки за време на епидемијата на коронавирус.
Вонредната вакцинација, која може да биде препорачана или задолжителна, се наредува со акт на министерот за здравство, во согласност со препораките на Светската здравствена организација, на предлог на Институтот за јавно здравје на Србија и со согласност на Републичката експертска комисија за заразни болести.
