fbpx

Објектив

Погледни подобро

(Видео) Скорпии yбија три лица, а стотици се повpeдени во египетскиот град Асуан

Скорпии убиле три лица во градот Асуан на југот на Египет, а стотици имаат здравствени проблеми од убоди, откако по силно невреме скорпиите биле расфрлани по градските улици, пишува Би-би-си.

Скорпиите повредиле околу 450 луѓе, изјави претставник на египетското Министерство за здравство.

Невремето проследено со град и грмежи во област во близина на реката Нил било особено силно во петокот.

Скорпиите кој живеат покрај Нил, обилните дождови редовно ги носат на градските улици, а понекогаш покрај нив се наоѓаат и змии.

Дополнителни дози противотров биле испратени во клиниките во селата во близина на планините и пустинината, а биле распоредени и дополнителни лекари.

Властите ги повикаа жителите да останат дома и да избегнуваат области со многу дрвја.

Каснувањата од скорпија ретко се опасни по живот, но малите деца и постарите лица имаат најголем ризик од развој на сериозни компликации, според американската здравствена институција Mayo Clinic.

Само околу 30 од 1.500 видови скорпии можат да убијат човек.

error

Ви се допадна објавата? Споделете на: