(Фото) Пандев не издржа: Поранешниот капитен со директна порака до ФФМ и Милевски!
Поранешниот капитен на македонската фудбалска репрезентација, Горан Пандев на Инстаграм реагираше на изјавата на селекторот Милевски дека и покрај поразите смета дека фудбалската репрезентација е на прав пат.
Пандев објави три емотикони со затворени усти, необјаснувајќи дали тој останал без зборови или смета дека Милевски треба да замолчи.
Македонската фудбалска репрезентација вчера доживеа пораз од Бугарија со еден спрема нула.
Селекторот Милевски по натпреварот изјави дека смета дека сме на добар пат и дека проблем претставува тоа што репрезентативците имаат мала минутажа во клубовите.
